tiempo Monzón

miércoles, 6 de noviembre de 2013

PUNTA ACUTA (2248 m)

Como cuasi ye cutiano, totas as añadas nos fa goi fer gambadetas per o Perineo ta beyer "l´agüerro " o como diz en atros puestos " ta beyer a San Miguelada ", asinas que ante ra proposa de Ramón y Pili de beyer Ordesa, nos achuntamos, ya que dimpués de estar meyo estricayatos tot l´estiu, sin fer cosa, ro tozuelo nos diz que tenemos que brincar e empezipiar a bochar-nos, asinas que femos colla e, onze termofilos quedamos ta garrear.
J.C. y Sivia, dende Samianigo e con o whassap fan atra proposa que a toz nos cuaca, una endrezera poco conoxita e transitata  Faxa Acuta, punta Acuta (2.248 mts )  e tornar a Torla per o camín de Sta Ana .Dimpuesas de negoziar la ora de salida, Ordesa nos aspera.
Ista begata cal amaitinar, dos oras d´auto nos asperan,anque o retraso  d´o reloch , una ora, nos permite chazer una oreta mes, anque beluno de nusatros encara ye embolicato, no sabe pas si ye a ora biella u ra nueba. A ras güeito somos almorzando en Torla,ya no remeraba as madalenas de Cris y ra torta de Pili, e mas que mas ro cafe con  "glarimas ". Dixamos un auto en Torla e nos ne puyamos enta ra pradera, d´o empezipiamos a chornata. A  senda d´os cazataires nos aspera.






 Amonico, pero con buen ritmo empezipiamos a puyar,a selba de faus ,caxicos y pins negros nos embolican con as suyas fuellas de pulidos colors.Imos t´adeban ganando altura. cuan casi beyemos o mirador de Cacilarruego, dixamos o camín e chiramos enta ra dreita. ta Punta Acuta, un cartel nos amuestra a dirección. Dingolondando continamos puyando,e, Ordesa s´amuestra deban   tota a suya polidez,o camín contina dica trobanos con unas cadenas, tiengo dudas si emplegar a parola "cremallo ",son barucas de yo..... a bueno pos nos ne trobamos con unas cadenas que nos empeltaran enta uns fenals que nos amuestran a base d´o pico Acuta, uns cien metros  dá  de buena costera nos separa zima.

Paso de cadenas



 Desde  punta Acuta 2.248 mts as ambistas son magnificas, ista chen que ha garreato per toz os puestos d´Ordesa nos amuestran:
A faxa d´as flors, faxa d´o Mayo, O tozal d´o Mayo, Cotatuero, A brecha de Rolando ,,,asi como os picos mes altario.




 






Nos amanamos un inte per os dibersos miradors que bi ha  a man de ra sierra de ras Cutas, femos a chenta en uno de ers, en o mirador d´o rey, dimpues de fer puen ,empezipiamos a baixar, pulidas selbas de caxicos,faus,pins negros e buxos que plenan a Sierra del Balcon nos asperan ,catamos de prener  bella seta.
Cuan plegamos a ros autos 17 km tenim en as botas.Memorias a toz.
*Crónica de Pedro Nolasco.

Si queréis el track, aquí.

4 comentarios:

David Naval dijo...

Una excursión bien chula. Yo subí y bajé una vez por Santa Ana un mes de enero, pues en invierno esa bajada por Calcilarruego tiene su cosa y no quisimos arriesgar.

El texto lo he leído y más o menos he entendido el 90%. La verdad que muchas palabras me son conocidas, de oírlas a los abuelos seguramente.

Saludos y mucho monte!!

POL dijo...

Bieeeeeeen!!!!!, una ruta en aragonés!!, yo tamién fize ixa ruta, pero dende lo Puen d'os Nabarros por o camín de Turieto. O millor de tot as ambiestas, e agora en agüerro los paisaches con as fuellas de milentas colors.
E yo tamién he replecato lo testo, muito bien feito Pedro.
Salú

Pedro dijo...

Bien pinchas as fotos

silvia dijo...

Pincha a tuya falordieta mayestro!!